Rikthehet i nxehti afrikan, ja deri kur zgjasin temperaturat e nxehta

Deri më 5 gusht, do të jemi në ndikimin e masave ajrore të nxehta me origjinë afrikane.

Kthjellime dhe temperatura shumë të larta. Ky do të jetë moti për gjysmën e parë të gushtit.

Mot i kthjellët dhe i nxehtë, si dhe ditë më të thata dhe më të nxehta na presin në gjysmën e parë të gushtit. Deri nga data 15 gusht, moti do të jetë i kthjellët në Perëndim, por me rrebeshe të izoluara shiu gjatë mbrëmjeve në zonat malore.

Ajo çfarë vlen të theksohet mbi situatën sinoptike, është se pritet një tjetër go ditje e të nxehtit nga data 7 deri në datën 15 gusht, periudhë e cila do të sjellë edhe temperatura mbi 39°C.

Prandaj, qytetarët duhet të tregohen të kujdesshëm në ekspozimin e tyre në mjedise të hapura gjatë orëve të ditës dhe më problematike do të jenë zonat Shkodër-Lezhë, Tiranë-Elbasan, Berat-Kuçovë dhe Gjirokastër.