Një mjek ka renditur ato që ai i quan tre sendet më toksike shtëpiake që ‘duhet të hidhen menjëherë’. Dr. Saurabh Sethi, një gastroenterolog, u ka bërë thirrje njerëzve të ndërmarrin veprime sa më shpejt të jetë e mundur.
I pari në listë nga Dr. Sethi janë qirinjtë aromatikë. Ai tha: “Këto përmbajnë ftalate, të cilat njihen se prishin nivelet e hormoneve dhe shkaktojnë probleme të frymëmarrjes.”
Dr. Sethi i rendit dërrasat plastike të prerjes si një rrezik. Ai thotë: “Këto mund të degradohen me kalimin e kohës, duke çliruar mikroplastikë në ushqimin tuaj, të cilat mund të grumbullohen në trup. Kaloni në një dërrasë prej druri për të minimizuar rrezikun.”
Dhe e fundit në listë? Tiganët jo-ngjitës të gërvishtur ose të çarë. Dr. Sethi shpjegon: “Këto përmbajnë PFA, të cilat janë lidhur me presionin e lartë të gjakut , kolesterolin dhe problemet riprodhuese.”
“Tiganët e dëmtuar mund të lëshojnë këto grimca në ushqimin tuaj. Prandaj, sigurohuni që t’i zëvendësoni këto tiganë sapo të gërvishten ose të çahen. Ose zëvendësojini ato me alternativa më të sigurta, siç janë çeliku inox ose giza.”
