Një ndërhyrje e rallë është kryer në QSUT nga mjekët shërbimit të Hemodinamikës, duke i shpëtuar jetën një 27-vjeçari.
Lajmin e ka bërë me dije ministrja e Shëndetësisë, Ogerta Manastirliu, e cilla thitë se ndërhyrja zgjati 5 orë.
Për herë të parë në Shqipëri është bërë vendosja e aparatit CRT-D (terapi resinkronizimi dhe defibrilator i implantueshëm kardiak) si dhe vendosja e nje sonde subkutane për defibrilim kardiak.
Operacioni është kryer nga ekipi imjekëve Ormir Shurdha dhe Mirald Gina, stafit të infermierëve të Hemodinamikës me kryeinfermiere Ledja Grrica, dhe ndihmën e anestezistit Saimir Kuçi.
E plotë:
#HistoriSuksesi
Mjekët e shërbimit të Hemodinamikës në #QSUT bëjnë mrekulli me një 27-vjeçar të cilit i shpëtojnë jetën, me një ndërhyrje të rrallë në zemër që zgjati 5 orë.
Për herë të parë në Shqipëri u bë vendosja e aparatit CRT-D (terapi resinkronizimi dhe defibrilator i implantueshëm kardiak) si dhe vendosja e nje sonde subkutane për defibrilim kardiak. Pajisjet CRT-D janë pajisje shumë të kushtueshme dhe bartin një shkallë të lartë vështirësie për t’u vendosur, por falë investimeve të kryera në QSUT dhe kualifikimit të stafit mjekësor, u bë e mundur ndërhyrja delikate që rezultoi e suksesshme për të riun 27-vjeçar.
Super punë e ekipit të mjekëve me Dr.Ormir Shurdha, Dr. Mirald Gina, stafit të infermierëve të Hemodinamikës me kryeinfermiere Ledja Grrica, dhe ndihmën e veçantë për anestezinë të Dr. Saimir Kuçi
