Një ngjarje e rëndë ka ndodhur mbrëmjen e sotme në qytetin e Beratit ku një 58-vjeçar në gjendje të rënduar psikologjike ka ndërmarrë aktin tragjik, duke i dhënë fund jetës.
Burime për mediat bëjnë me dije se 58-vjeçar i identifikuar si Ylli Reka është gjetur i vetëvarur në një nga dhomat e shtëpisë së tij në lagjen “13 shtatori”.
Ka qenë bashkëshortja ajo e cila e ka gjetur Rekën të vetëvarur, ndërkohë që e tmerruar më pas ka telefonuar policinë.
Mësohet se 58-vjeçari para se të ndërmerrte aktin tragjik, i ka lënë një letër bashkëshortes së tij ku dhe i kërkonte falje, por duke qenë i sëmurë dhe drejt paralizimit të plotë ai mes rreshtave i ka shkruajtur se nuk donte që t’i bëhej barrë askujt.
Policia po punon për zbardhjen e plotë të kësaj ngjarje, ndërkohë që vlen të theksohet se nga këqyrja paraprake në trupin e viktimës nuk janë konstatuar shenja dhune.
