A keni menduar ndonjëherë çfarë do të ndodhte me trupin tuaj nëse për tre muaj rresht do të hanit vetëm sardele? Një grua 62-vjeçare e quajtur Jane Crummett, e bëri këtë eksperiment dhe na tregon rezultatet.
Në një bisedë me Dr. Annette Bosworth, e njohur si Dr. Boz, Jane tregoi se e gjeti online dietën e sardeleve dhe vendosi ta provonte për të përmirësuar shëndetin e saj. Dieta përfshinte konsumimin e katër pakove me sardele në ditë, për 90 ditë rresht. Ajo e kombinoi dietën me vaj MCT, që ndihmon për të rritur energjinë e trupit.
Kur filloi dietën, Jane peshonte 89 kilogramë dhe pas tre muajsh, ajo humbi plot 16 kilogramë, duke zbritur në 73 kilogramë. Ajo thotë se dieta i lehtësoi dhimbjet e këmbëve, i uli nivelin e sheqerit në gjak dhe i dha më shumë energji.
Por çfarë thonë mjekët për këtë dietë?
Dr. Masarat Jilani shpjegon se sardele janë të pasura me yndyrna të shëndetshme, omega-3, vitamina D dhe B12, si dhe kalcium. Por të hash vetëm sardele për një kohë të gjatë nuk është e shëndetshme.
Së pari, sardele nuk kanë fibra, të cilat janë të domosdoshme për tretjen dhe shëndetin e zorrëve. Mungesa e fibrave mund të shkaktojë kapsllëk. Po ashtu, sardele që janë të konservuara në kripë ose vaj mund të rrisin presionin e gjakut dhe të lodhin veshkat për shkak të sasive të mëdha të sodiumit.
Gjithashtu, sardele përmbajnë metale të rënda dhe mërkur, ndonëse në sasi më të vogla se peshqit më të mëdhenj. Nëse hani sasi të mëdha për një kohë të gjatë, këto metale mund të mblidhen në trup dhe të bëhen shqetësim për shëndetin tuaj.
Si përfundim, ndonëse dieta e sardeleve i dha rezultate Jane-it, mjekët sugjerojnë që të mos ushqeheni me vetëm një ushqim për një periudhë të gjatë. Nëse e provoni, ndryshoni dietën pas disa ditësh. Burimi JOQ
