Angli- Mbretëresha ishte personi i vetëm në vend që nuk kishte nevojë të kishte patentë shoferi për të drejtuar makinat e saj në rrugët publike.
Kur ishte 18 vjeç, Elizabeth iu bashkua rezervave ushtarake gjatë Luftës së Dytë Botërore. Atje, ajo u trajnua si inxhiniere dhe mësoi të drejtonte kamionë municionesh dhe ambulanca. Që atëherë, ajo ka vozitur pa patentë dhe nuk është dashur të bëjë kurrë një provim.
Përveç kësaj, ajo drejtonte makinën pa rrip sigurie për arsye sigurie kombëtare. Dhe kjo sepse ajo duhej të ishte gati të linte makinën në çdo moment. Dhe këto ishin dy nga ligjet e shumta që ajo lejohej të shkelte si mbretëreshë.
Në vitin 2019, i ndjeri Princi Philip ndaloi ngarjen pas një aksidenti me makinë. Mbretëresha Elizabeth duhet të ketë marrë një vendim të ngjashëm, pasi që atëherë ajo nuk është parë duke vozitur në rrugë publike, duke preferuar të ketë një shofer.
Por ajo nuk qëndroi shumë larg rrugëve, pasi në shtator 2020 u pa duke drejtuar një Range Rover të zi. Në tetor 2021, Mbretëresha qëndroi në spital gjatë natës për arsye shëndetësore dhe mjekët e këshilluan që të pushonte për disa javë dhe të bënte një pushim nga detyrat e saj mbretërore.
Pas shtatë dekadash në fron, mbretëresha e ndjerë Elizabeth kishte vozitur disa makina të veçanta, duke përfshirë Bentley Bentayga dhe disa Land Rovers dhe Range Rover. (noa.al/M.D)
