Byrek me spinaq, ricotta dhe bizele
Përbërësit:
80 gr gjalpë i shkrirë
2 feta pancetë të prera hollë
3 qepë të njoma të prera në feta të holla
2 ½ filxhanë çaji bizele të ngrira
½ filxhan çaji erëza të freskëta (majdanos, nenexhik dhe kopër)
35 gr spinaq
500 gr ricotta
125 gr mozzarella e grirë
3 vezë të rrahura lehtë
8 peta për byrek
Kripë
Përgatitja:
Skuqim në 20 gr gjalpq pancetën dhe qepët. Pasi të zbuten dhe të fillojnë të marrin ngjyrë shtojmë bizelet dhe spinaqin. Gatuajmë për rreth 2 minuta dhe e heqim nga zjarri. Shtojmë erëzat, pak kripë dhe përziejmë. E lëmë të ftohet pak dhe shtojmë djathërat dhe vezën. Përziejmë mirë. Lyejmë me gjalpë një petë dhe e shtrojmë në bazën e një tepsie të përshtatshme duke i lënë buzët të varen jashtë tepsie. E përsërisim procedurën me 4 peta të tjera. Shpërndajmë mbi të përzierien e spinaqit. Palosim mbi mbushje buzët e petëve dhe e mbulojmë me petat e mbetura të lyera me gjalpë. E pjekim në 200 gradë për rreth 15 minuta, ulim temperaturën në 180 gradë dhe e pjekim për rreth 25 minuta të tjera.
