Pas lidhjes me Mark Frrokun, të gjithë ishin kurioz për marrëdhënien e Rudina Dembacaj me familjen e ish-politikanit.
Frroku është baba i tre fëmijëve nga martesa e parë, nëna e të cilëve fatkeqësisht u nda nga jeta tre vite më parë.
Rudina nuk e ka mbajtur të fshehtë marrëdhënien me fëmijët e Markut dhe është shprehur se nuk e ka aspak të lehtë, por do mundohet gjithmonë të jetë shoqja e tyre më e mirë.
Fëmijët e Markut nuk mungojnë herë pas here as në Instagramin e Rudinës dhe së fundmi ajo ka uruar për ditëlindje djalin e bashkëshortit, por fjalët e zgjedhura tërhoqën vëmendjen e të gjithëve.
“Gëzuar ditëlindjen djali im, të dua”, shkruan Rudina krah fotos e përqafuar me Leon. Duket se familja e madhe ka shkuar në Vlorë për të festuar ditëlindjen e tij.
