Ekspertët britanik kanë paralajmëruar se përdorimi i ujit të rubinetave gjatë një stuhie mund të jetë i rrezikshëm
Megjithëse ne e dimë se ku ka bubullima duhet të shmangim qëndrimin nën pemë ose pranë një dritareje, tanimë shkencëtarët thonë se gjithashtu duhet të shmangin të gjitha aktivitetet me bazë uji, duke përfshirë dushin dhe larjen e enëve.
Kjo, sipas atyre, zvogëlon rrezikun për t’u goditur nga rrufeja.
Lektori i fizikës në Universitetin Nottingham Trent, Dr James Rawlings, shpjegoi se ka dy elementë bazë ndihmojnë një stuhi të nisi – “Temperaturat e larta dhe lagështia krijojnë sasi të mëdha ajri të lagësht që ngrihet në atmosferë, ku më pas mund të kthehet në një stuhi.
“Nëse rrufeja godet shtëpinë tuaj, energjia elektrike do të ndiqte rrugën e rezistencës më të vogël në tokë. Kështu psh telat metalikë ose uji në tubacionet tuaja ofrojnë një rrugë të përshtatshme përçuese që energjia elektrike të ndjekë kur prek në tokë.”
Ai shpjegoi se përveç qëndrimit larg ujit, duhet të shmangni edhe mbështetjen në mure betoni. Kjo është për shkak se një pjesë e betonit mund të përforcohet me trarë metalikë – të cilët mund të përcjellin vetëtimën.
Ju gjithashtu duhet të shmangni përdorimin e çdo gjëje të lidhur në një prizë elektrike.
Prandaj keshilla e ekspertit eshte :
Duhet të qëndroni të paktën 30 minuta para se të bëni dush ose të lani enët përsëri, nëse shihni se keni bubullima apo rrufe shumë pranë jush
