Ja disa këshilla praktike se si të dalloni vajin e vërtetë të ullirit nga ai i rremë.
Metoda e testimit të transparencës : Hidhni pak vaj ulliri në një gotë transparente dhe vendoseni gotën në blicin e celularit tuaj. Ndizni blicin dhe vëzhgoni vajin përmes dritës. Vaji i vërtetë i ullirit ka një nuancë natyrale të gjelbërt në të artë dhe do të duket paksa i turbullt. Vajrat e falsifikuar mund të duken shumë të qartë ose tepër të shndritshëm për shkak të kimikateve të shtuara.
Metoda e provës në frigorifer : Vendosni një sasi të vogël vaj ulliri në frigorifer për rreth 30 minuta. Vaji i vërtetë i ullirit do të ngurtësohet dhe do të bëhet i turbullt, pasi duke qenë se përmban yndyrna të pangopura ato ngurtësohen në temperatura të ftohta, ndërsa shumë vajra të falsifikuar mbeten të lëngshëm.
Metoda e testimit të shijes dhe erës : Shijoni një sasi të vogël vaj ulliri dhe nuhateni atë. Vaji i vërtetë i ullirit duhet të ketë një shije pak të hidhur,djegëse dhe me një aromë frutash.
Metoda e testimit të etiketës së shisheve : Kontrolloni etiketën për detaje të tilla si data e korrjes, rajoni i origjinës dhe logot e certifikimit nga organizata me reputacion. Prodhuesit autentikë ofrojnë informacion të detajuar rreth origjinës dhe cilësisë së vajit.
Metoda e kontrollit të çmimeve : Krahasoni çmimet e vajrave të ndryshëm të ullirit. Nëse çmimi duket shumë i mirë për të qenë i vërtetë, ndoshta është. Vaji i ullirit ekstra i virgjër me cilësi të lartë kërkon përpunim të kujdesshëm dhe është më i shtrenjtë. Çmimet jashtëzakonisht të ulëta mund të tregojnë falsifikim.
Metoda e testimit në gatimi : Ngrohni një sasi të vogël vaj ulliri në një tigan. Vaji i vërtetë i ullirit duhet të lëshojë një erë frutash dhe të nxjerri një tym të lehtë, ndërsa vajrat e falsifikuar shpesh nxjerrin më shumë tym dhe mund të lëshojnë erë të ndryshme kur nxehen.
