‘Lodhja menstruale’ mund të ketë disa shkaqe dhe shkaktarë të ndryshëm. Një ekspert i shëndetit të grave më në fund ka ofruar një shpjegim se pse kaq shumë gra ndihen të rraskapitura emocionalisht, mendërisht dhe fizikisht kur janë gjatë periodave.
Mjekët shpesh japin këshilla që të bani merrni paracetamol për ngërçet dhe ibuprofen për dhimbjet e shpinës. Ose mund të mbushni borsën tuajme ujë të ngrohtë për të ndihmuar në lehtësimin e dhimbjes dhe mos përdorni asnjë produkt shtesë në lëkurën tuaj kur keni aknet e përmuajshme.
Ndërsa kur bëhet fjalë për lodhjen që vjen bashkë me periodat mujore, kjo shpesh mund të jetë një pengesë e vështirë për t’u kapërcyer pasi jo të gjithë punonjësit e njohin ‘lodhjen menstruale’ sic njihen edhe nga mjekësia. Madje ‘lodhja menstruale’ është vërtetuar se zvogëlon produktivitetin tonë dhe shkakton mjegullirë të trurit.
Simptoma të tjera që zakonisht shoqërojnë këtë lodhje janë dhimbja e kokës, problemet me gjumin, ankthi , nervozizmi ose fryrja.
Duke e parë në mënyrë specifike lodhjen, ajo mund të shkaktohet nga një prej tre faktorëve të mëposhtëm:
1. Niveli i ulët i hekurit – kur ju jeni duke humbur gjak gjatë menstruacioneve, nivelet tuaja të hekurit do të ulen natyrshëm. Kjo e lë trupin tuaj të paaftë të prodhojë hemoglobinën që qelizat e kuqe të gjakut kërkojnë për të transportuar oksigjen në qeliza, duke shkaktuar rraskapitje.
2. Dëshira për ushqim – ngrënia e tepërt e një ushqimi të caktuar gjatë menstruacioneve mund të çojë në një ulje të nivelit të glukozës në gjak, duke e bërë personin të ndihet i lodhur.
3. Gjumi i crregullt – gratë me perioda shpesh mund të vuajnë nga probleme të gjumit, gjë që gjithashtu mund të çojë në lodhje gjatë ditës.
Por lind pyetje a ka ndonjë trajtim?
Fatmirësisht, po. Ka disa opsione të ndryshme që synojnë të luftojnë lodhjen e periodave.
– Ilaçet anti-inflamatore josteroide – një shembull i kësaj është ibuprofeni, i cili mund të ndihmojë në zbutjen e dhimbjes dhe inflamacionit në rrethanat kur dhimbja po ju mban zgjuar.
– Pilulat e kontraceptive – këto mund të përshkruhen nga mjekët për të rregulluar nivelet e hormoneve, të cilat mund të reduktojnë simptomat e periodave.
– Suplementet ushqimorë– disa gjinekologë besojnë se tabletat e kalciumit mund të parandalojnë lodhjen, megjithëse gjithmonë duhet të konsultoheni me një mjek paraprakisht.
Gjithashtu teknikat e relaksimit mund të ndihmojnë simptomat gjatë periodave duke përfshirë lodhjen:
Rregullimi i temperaturës së dhomës – temperatura e trupit të një personi rritet pak kur ata janë me menstruacione, gjë që mund t’i bëjë ata të vuajnë në kohën e gjumit. Kështu duke ulur temperaturën e dhomës së gjumit, mund të siguroni një gjumë më të mirë të natës.
Teknikat e relaksimit – si psh., meditimi i ndërgjegjshëm, ushtrimet e frymëmarrjes, ushtrimet e buta, masazhi, apo edhe një dush i ngrohtë para gjumit mund të rrisë jashtëzakonisht nivelet e përgjumjes.
Megjithatë, mjekët dhe gjinekologët në të gjithë botën këshillojnë që, nëse lodhja juaj menstruale ka arritur në atë masë sa nuk jeni në gjendje të vazhdoni jetën e përditshme, duhet të rezervoni një takim me mjekun tuaj të përgjithshëm, që të kontrolloni nëse gjithçka është në rregull. SHIKO.NEWS
