Ditën e sotme Komiteti Teknik i Ekspertëve është mbledhur për të raportuar gjendjen e panemdisë në vendin tonë dhe masat kufizuese që janë ende në fuqi. Mira Rakacolli kryetarja e këtij Komiteti ka njoftuar se duke filluar nga data 3 mars nuk do ketë më orë policore, ndërsa masat e tjera vijojnë të jenë të njëjta.
Kemi një situatë më të favorshme, se ajo që kemi pasur një javë më parë. Niveli i masave që kërkon kjo situatë, vazhdon të mbetet e tillë. Të infektuarit do të qëndrojnë të izoluar për 5 ditë, vaksinimi është i këshillueshëm që të fillohet për të gjithë fëmijët mbi 12 vjeç.
Të gjithë qytetarët që do të hyjnë në kufi duhet të paraqesin certifikatën e vaksinimit, ose një test negativ. Nëse nuk i kanë këto dokumente, duhet të vazhdojë izolimi. Vazhdon të mbetet në fuqi masa për grumbullimet, deri në 30 % të kapacitetit të strukturave, përsa i përket orës policore, ajo do të hiqet.
