Qyteti Mariupol në Ukrainë është pushtuar nga rusët dhe është nën kontrollin e tyre ushtarak. Kjo konfirmohet jo vetëm nga Moska, por edhe autoritetet ukrainase.
Qyteti Port, vend strategjik në Ukrainën lindore tanimë është bllokuar nga ushtria ruse, raportoi të shtunën edhe kryebashkiaku Vadim Bojchenko.
Ai tha se “për momentin, ne po kërkojmë zgjidhje për problemet humanitare. Prioriteti tani është vendosja e një armëpushimi në mënyrë që të rivendoset infrastruktura jetike dhe të krijohet një korridor humanitar për të sjellë ushqime dhe ilaçe në qytet”.
Por pse Mariupol, një qytet me 450,000 banorë në Detin Azov, është një vend i kaq rëndësishëm në këtë luftë dhe ëndrra e realizuar e Putinit?
Qyteti është strategjikisht vendimtar për pushtuesin rus që të lidhë Krimenë, e cila u aneksua në vitin 2014, me rajonin e Donbasit nëpërmjet tokës. Në këtë mënyrë, Rusia merr nën kontroll dhe bën lidhjen e territoreve të pushtuara tetë vjet më parë me ato që po merr nën kontroll aktualisht. /noa.al
