Një djalë 14-vjeçar vrau tetë fëmijë dhe një roje sigurie në një shkollë në Serbi kishte një listë të nxënësve që donte t’i vriste dhe katër bomba molotov në çantën e tij, tha policia.
I dyshuari adoleshent është emëruar nga oficerët si nxënësi i klasës së shtatë Kosta Keçmanoviq.
Policia ka thënë se ai mori armën e babait të tij përpara se të qëllonte mësuesin e tij dhe më pas bashkënxënësit dhe rojet e sigurisë në shkollën fillore Vladislav Ribnikar në kryeqytetin Beograd të mërkurën në mëngjes.
Fëmijët që vdiqën ishin shtatë vajza dhe një djalë – të gjithë të moshës 11 dhe 14 vjeç.
Ndihmësi i drejtorit të shkollës thirri policinë në orën 8:40 të mëngjesit me kohën lokale ndërsa vetë i dyshuari telefonoi oficerët dy minuta më vonë dhe tha se kishte qëlluar një numër njerëzish, thanë oficerët.
Milan Nedeljkovic, kryetar i qarkut qendror të Vraçarit ku ndodhet shkolla, tha se mësuesja po lufton për jetën e saj pasi u qëllua.
Gjashtë fëmijë të plagosur po trajtohen edhe me njërin prej tyre, një vajzë, në gjendje të rëndë për jetën.
Djali i një mjeku të njohur, Kosta kishte rezultate të shkëlqyera në shkollë ndërsa kishte marrë edhe vendin e tretë në një konkurs historie. Por pikërisht masakra sipas mediave serbe ka ardhur si pasojë e një konflikti me mësuesen e kësaj lënde.
“Ai mori një notë jo të mirë në histori dhe më pas u mërzit. Ai qëlloi mbi mësuesen e historisë në klasë, pastaj mbi shokët e tij . Ai është një nxënës i shkëlqyer “, thonë shokët e klasës.
