Gazetarja e njohur Flora Xhemani Baba ka ndarë në rrjetet sociale pamjet skandaloze nga ishulli i Sazanit.
Ky ishull i cili u hap për pushuesit në vitin 2015, është kthyer sot në një vend-grumbullimi plehrash. Gazetarja me tone të ashpra shprehet e shqetësuar për shkatërrimin që po i bëhet këtij aseti të veçantë të bukuruisë natyrore shqiptare.
“Një këshillë kisha për të gjithë ju që keni vizituar Sazanin me bukë me vete, o plehra që s`meritoni asgjë: Deshët Sazan? Ja ku e keni. Nuk keni lekë të hani një drekë të thjeshtë nëpër anijet turistike, që janë të gjitha të pajisura me kosha e me banjo, se kushton bileta? Shumë mirë, merreni bukën me vete. Po ashtu siç i tërhiqni sa ju këputet kurrizi termusët, qeset me ushqime, kanaçet me birra e lëngje dhe bidonët me dhallë, ashtu merrini edhe qeset e plehrave mbrapsht se janë më të lehta e nuk peshojnë, o derra, o plehra, o fundërrina që doni dhe turizëm elitar juve dhe jeni mësuar të dhisni ferrave. E kuptoni që në ishull nuk ka kush t`i pastrojë plehrat tuaja?”, shkruan gazetarja mes të tjerash.
Komenti i plotë:
O DERRA QË S`MERITONI ASGJË!!!
Në foton e parë është Sazani i sapohapur, në vitin 2015, ku ishte e vështirë t`i bëje dy njerëz bashkë në plazh, në atë plazhin e magjishëm në krah të molit. Në foton e dytë është Sazani dje, me 17 Gusht 2019. Domethënë, brenda një katërvjeçari, panorama ka ndryshuar kryekëput. Bashkë me panoramën, edhe përbërja kimike dhe lëndore e ishullit.
Sapo vë këmbën në molin djathtas, qoshet e mbushura me plehra, të shoqërojnë deri te plazhi dhe vazhdojnë edhe përgjatë plazhit deri tek shkurrishtet, të cilat dalngadalë kanë filluar edhe ato të mbushen. Edhe në molin majtas është e njëjta gjë, plehra dhe jashtëqitje pa fund, që në mungesë të banjove, të presin qoshe më qoshe deri lart te shkolla e te spitali.
Në një prej fotove shikoni Valentinën me thasë të mbushur me plehra, rit që e kryen çdo ditë kur udhëton në Sazan me anjiet e saj “Teuta” dhe që i sjell në Vlorë, duke lehtësuar sadopak, peshën e plehrave mbi kurrizin e Sazanit.
Një këshillë kisha për të gjithë ju që keni vizituar Sazanin me bukë me vete, o plehra që s`meritoni asgjë: Deshët Sazan? Ja ku e keni. Nuk keni lekë të hani një drekë të thjeshtë nëpër anijet turistike, që janë të gjitha të pajisura me kosha e me banjo, se kushton bileta? Shumë mirë, merreni bukën me vete. Po ashtu siç i tërhiqni sa ju këputet kurrizi termusët, qeset me ushqime, kanaçet me birra e lëngje dhe bidonët me dhallë, ashtu merrini edhe qeset e plehrave mbrapsht se janë më të lehta e nuk peshojnë, o derra, o plehra, o fundërrina që doni dhe turizëm elitar juve dhe jeni mësuar të dhisni ferrave. E kuptoni që në ishull nuk ka kush t`i pastrojë plehrat tuaja?
U sugjeroj fort anijeve që po i bëjnë gropën vetes, të mos e ulin çmimin nën 1500 lekë. Më lart po. Sepse do vijë një ditë që ul njëri e ul tjetri për t`i marrë dy udhëtarë më shumë shokut, nuk do ju dalin lekët as për naftë. Nuk është Sazani e Karaburuni vend për turizëm masiv ku të vijnë njerëz me kalamaj me karroca apo njerëz në karrocë. Nuk mund të çosh dymijë vetë në Karaburun brenda ditës me 700 lekë bileta dhe të mos blejnë asnjë ujë në anije apo në ato restorantet, që sipas nesh kanë bërë gabim që janë hapur. Ky lloj turizmi, do dashurues të natyrës që t`u bien këmbëve dhe të bëjnë plazh pa çadra fare. Ata nuk i hedhin kurrë plehrat në shesh.
Do t`i sugjeronim fort Bashkisë së Vlorës që të vërë dorë mbi plehrat e Sazanit, përndryshe shumë shpejt do t`ia shihni tymin e do bëhet si Rodoni. Dhe nëse e shihni që situata nuk ndryshon, mbylleni ishullin sërish, lejojini njerëzit vetëm me pasaportë, të regjistrojnë emrin një ditë para dhe vini patrulla që të ruajnë bregun e t`u kërkoni llogari. Dhe vini bileta hyrëse sikur të jenë në muze. 500 lekë bileta, që ta kuptojnë se janë në një sit me vlera e jo t’i bëjnë m..tin.
Kurse juve, turistë që doni të pirdheni nëpër Fejsbuk e Instagram me foto nga Sazani e Karaburuni, para se të dilni nga shtëpia, hidhini një sy atij librit që quhet Edukata Qytetare e që e mësoni që nga klasa e parë e deri në të tetën-nëntën. Hapeni tek Mjedisi dhe lexoni që nuk hidhen mbeturinat në mjedise publike por vetëm në vendet e caktuara. Se në shtëpinë tuaj nuk e hidhni qesen me plehra në qoshe të dhomës por te koshi i lagjes. Pse në Sazan duhet të qenka ndryshe? Po nuk pati kosha atje, merreni me vete dhe hidheni në koshin e anijes.
