Një përdorues në Imgur ka treguar sesi doli në një takim me një vajzë, që ia kishin prezantuar, dhe zbuloi që ajo thjesht donte ushqim falas.
Djali në fjalë shpjegonte se kishte dalë me një shoqe të një shoqeje dhe se ajo zgjodhi që të shkonin në një restorant të shtrenjtë.
Pas kësaj, ai i kishte thënë vajzës që do detyroheshin ta ndanin faturën në gjysmë dhe vajza, e përshkruar si e bukur dhe e zgjuar, kishte pranuar.
Më pas në postim thuhet se ajo porositi pjatën më të shtrenjtë ne menu si dhe katër koktejle njëri pas tjetrit ndërsa ai vetë porositi biftek që i shkonte 24 dollarë.
Pikërisht pasi kishte mbaruar pijen e saj të katërt, ajo i thotë:
Ti nuk është se je tërheqës dhe ne nuk kemi asgjë të përbashkët. Unë erdha vetëm për të ngrënë falas.”
Duke e gjetur veten në këtë lloj situate, përdoruesi i Imgur-it bëri sikur shkoi në tualet, i dha kamerierit paratë për biftekun që konsumoi, dhe bakshish, ndërsa ai e ndihmoi që të dilte fshehurazi nga restoranti.
Si përfundim, vajzës i mbeti që të paguante për çdo gjë që kishte porositur ndërsa postimi në Imgur ka marrë një numër të madh komentesh.
