Një debat ka ndodhur mbrëmjen e sotme midis ambientalistit Sazan Guri dhe moderatores, Rudina Magjistari.
Ka qenë një koment i ambientalistit Guri ndaj të ftuarës Arlinda Dudaj që ka sjellë reagimin e moderatores, Rudina Magjistari, e cila e ka akuzuar Gurin se është maskilist dhe se gjithmonë kështu sillet.
Gjithsesi, ambientalisti e ka marrë me sportivitet, duke i thënë se intimitetin e ka pjesë të lumturisë.
Pjesë nga biseda:
Sazan Guri: Të keqen vëllai se je bërë dhe simpatike sot.
Arlinda Dudaj: Faleminderit shumë, gjithmonë kam qenë.
Rudina Magjistari: Këto janë sjellje maskiliste gjithë kohës Sazan duhet të ta korrigjoj, e ke të theksuar këtë gjë dhe nuk është hera e parë që ndodh sa herë që vjen në studio.
Sazan Guri: Po mirë, e kam pjesë të lumturisë.
Arlinda Dudaj: Ti je maskilist dhe unë i kam thënë në një emision tjetër.
Sazan Guri: Çfarë ke me mua, unë e kam të sinqertë atë, po çfarë, ç’më ngatërron me këto tema.
Rudina Magjistari: E parë e punës nuk është e sjellshme sepse e ke vetëm me Arlindën dhe nuk e komplimenton po njësoj dhe zonjën tjetër që nuk është fare e sjellshme nga ana jote.
Sazan Guri: Ia bëra rrugës kur erdha bashkë me të. Ajo është goca e shokut, çfarë t’i them hë.
