Sipas disa studimeve të reja, është zbuluar se Covid çaktivizohet nga rrezet e diellit tetë herë më shpejt nga sa parashikohet deri më tani nga modelimet teorike.
Në korrik të vitit të kaluar u zbulua se rrezet e diellit “çaktivizojnë me shpejtësi SARS-CoV-2” në sipërfaqe. Sipas vlerësimeve, 90 % e virusit SARS-CoV-2 ishte çaktivizuar çdo 6.8 minuta në pështymë të simuluar kur ekspozohej ndaj dritës së diellit në një ditë vere. Muajin pasardhës, një studim tjetër prodhoi një model teorik që përshkruante çaktivizimin e rrezeve të diellit të SARS-CoV-2.
Asistent profesori i inxhinierisë mekanike në universitetin e Santa Barbaras në Kaliforni, Paolo Luzzatto-Fegiz, zhvilloi një analizë të studimeve të vitit 2020 duke eksploruar efektet e formave të ndryshme të rrezatimit UV ndaj SARS-CoV-2 dhe gjeti një mospërputhje të konsiderueshme.
Ashtu si me të gjithë rrezatimin elektromagnetik, UV bie në një spektër, me valë më të gjatë UVA që reagon ndryshe me pjesë të ADN-së dhe ARN-së sesa valët e tjera me rreze mesatare UVB të përfshira në rrezet e diellit, të cilat vrasin mikrobet dhe shkaktojnë djegie nga dielli te njerëzit. Rrezatimi UVC me valë të shkurtër më parë është treguar se shkatërron viruse të tilla si SARS-CoV-2, i cili është përgjegjës për Covid-19.
