Lefter Koka ka humbur vëllain e tij. Lajmin e trishtë, Koka, i cili hoqi dorë nga mandati i deputeti, e ndau lajmin e trishtë me të afërm dhe ndjekës në llogarinë e tij të “Facebook”.
Ai shkruan se Iliri, i cili ishte dhe vëllai i madh, humbi jetën pas një betejë të gjatë nga një sëmundje e rëndë.
“Me hidhërim të thellë, njoftoj ndarjen nga jeta të vëllait tim, Ilirit, pas një beteje të gjatë nga një sëmundje e rëndë! Liri, ishte vëllai i madh ndër pesë fëmijët, duke qenë shtylla jonë ku u mbështetëm, e kurrë nuk u lodh duke na mëkuar mirësi e respekt. Iliri ynë fjalëpak e punëshumë, ishte udhërrëfyesi ynë, por edhe simboli i urtësisë e qytetarisë për të gjithë ata që e njohën dhe rrugëtuan përkrahë në të gjallë të tij! Përcjellja për në banesën e fundit bëhet në orën 14:00, te varrezat e reja të qytetit”, shkruan Koka.
