“Ngushëllime familjarëve, falje Policisë së Shtetit”, këto kanë qenë fjalët e vetme që ka artikuluar Arjan Tase në Gjykatën e Vlorës.
Sipas burimeve, Arjan Tase nuk e ka kundërshtuar vendimin e Gjykatës së Vlorës, e cila ka caktuar ditën e sotme masën e sigurisë “arrest me burg” për Arjan Tasen. Ish-shefi i policimit në komunitet, Arjan Tase është përballur sot në Gjykatën e Vlorës me akuzën e “Vra sje e kryer në formën e dashjes indirekte”.
Kjo është akuza me të cilën Prokuroria ka dërguar në Gjykatë për ish-efektivin, që paraditen e 2 Gushtit duke drejtuar një mjet lundrues që goditi për vdekje 7-vjeçaren, Jonada Avdia.
Seanca për caktim të masave të sigurisë ka nisur që në orën 10:30 dhe është mbyllur rreth orës 13:30.
