Bes Kallaku gjithmonë e ka bërë publike lidhjen e ngushtë me gjyshen e tij, Ijen, duke e kthyer në një personazh publik.
Aktori i humorit poston herë pas herë foto me të, duke treguar se Ija komenton edhe në statuset e Besit.Por mbrëmjen e sotme ai ka postuar në “Instastory” një foto, ku shfaqet Ija dhe presidenti i vendit Ilir Meta duke bërë një bisedë në WhatsApp.
“Ija me shoqni pra Ilir Meta”, ka shkruar Bes Kallaku krahas fotos. Nuk dihet se për çfarë po bisedojnë Ija dhe Meta, por siç shfaqen edhe në foto, ata duken tepër të qeshur dhe miqësorë teksa bisedojnë në telefon. Një bisedë të tillë me kamer Ija e ka zhvilluar edhe me lojtarin e Kombëtares, Sokol Cikalleshi.
