Është djalë! Dukesha e Sussex, Meghan Markle ka sjellë në jetë fëmijën e saj të parë. Buckingham Palace njofton se djali ka ardhur në jetë në orën 05:26 të mëngjesit të sotëm dhe peshon 3 kg e 200 g.
Duke folur për ” Windsor”, Princ Harry është shprehur se është shumë i emocionuar për ardhjen në jetë të fëmijës së tij të parë. “Jam shumë i emocionuar të njoftoj dhe unë dhe Meghan jemi bërë prindër për herë të parë me një djalë. Një djalë i shëndetshëm. Jam shumë krenar për gruan time”, tha Harry.
Gjinia e foshnjes u la ‘surprizë’ për mediat, e ndërsa duket se çifti nuk do t’i nënshtrohet traditës së familjes mbretërore që të prezantojnë foshnjen e sapolindur para mediave, ashtu siç kanë bërë më herët me tre fëmijët e tyre Kate Middleton dhe Princ William.
Fëmija i sapoardhur në jetë do të jetë i shtati në radhë për fronin, pas babit të tyre princ Harry-it, Princ George, Princeshë Charlotte dhe Princ Louisit.
