Çifti i njohur i aktorëve, Fahriye Evcen dhe Burak Ozçivit, të cilët lidhën kurorë në vitin 2017, janë ndër personazhet më të pëlqyer të showbiz-it në Turqi, por edhe ndër çiftet më të pëlqyer në rrjet për martesën e tyre të lumtur.
Familja Ozçivit, e cila ka kurorëzuar lumturinë me djalin Karan, tani është në pritje të një anëtari të ri.
Lajmi se Burak Ozçivit dhe bashkëshortja e tij janë në pritje të një fëmije tjetër u bë publik pak kohë më parë. Fahriye Evcen është në muajin e gjashtë të shtatzënisë dhe gjinia tashmë është zbuluar.
Sipas informacioneve që u referohen burimeve të afërta të çiftit, fëmija i dytë i Fahriye Evcen dhe Burak Ozçivit do të jetë një djalë.
Duke numëruar ditët deri në lindjen e bebit, aktorja ka postuar së fundi disa foto me barkun e rrumbullakosur, për të përshëndetur të gjithë ndjekësit e saj në rrjet.
Me dhjetëra-qindra komente nga fansat i janë drejtuar aktores duke e komplimentuar për formën fizike dhe për fëmijën që do të vijë së shpejti në jetë.
