“Nuk pushoja dot së qari”. Arben Derhemi rrëfen pikën e dobët të tij për të bijën

Aktori i mirënjohur Arben Derhemi ishte i ftuar në “E Diell” për shfaqjen më të fundit në teatër “Magjia e Josef Bider”.

Përpos karrierës artistike, Derhemi është dhe një kryefamiljar për t`u pasur zili. I bindur se e bija i ka ngjarë komplet atij, Arbeni tregoi momentin emocionues kur pa vajzën në skenën e shkollës.

“Unë qaj më shumë se Iva, bashkëshortja ime. Para 4 muajsh kur Darlin dha një shfaqje, kam qarë 5 minuta dhe nuk pushoja dot së qari. Nuk e di çfarë ndjesie më erdhi, por ndjehesha edhe mirë edhe keq, nuk e di, nuk e di, më rrodhën lotët vetvetiu”, tregoi ai.

Pyetjes nëse Arbeni dhe Iva kishin në planin t`i dhuronin Darlin një motër ose vëlla, aktori u përgjigj: “Shpresojmë. Në Shqipëri nuk ecet me projekte, ia kemi lënë rastësisë”.

Leave a Reply

Your email address will not be published. Required fields are marked *