Përbërësit:
10 kokrra vezë
10 lugë gjelle sheqer
10 lugë gjelle miell
500 ml qumesht panna (psh. hopla)
1L qumesht kutie
350 ml qumësht i kondensuar (psh. panda)
300 ml karamel i parapergatitur
pak vaj per tavën për pjekje
Pregatitja:
Ndajmë të bardhat nga të verdhat e vezeve në enë të vecanta. Shtojme sheqerin në enën me të bardhat e vezëve dhe i rrahim me mikser derisa te bëhen marenge. Shtojmë të verdhat, të rrahura më parë në enen ku i kemi vendosur, duke i perzier ngadalë me te bardhat e vezëve me tel kuzhine. Pasi të lidhen shtojme miellin gradualisht, lugë pas luge, duke e perzier me kujdes me qëllim qe të mos e humbasim volumin.
Tavën per pjekje e lyejme me pak vaj dhe e shtrojmë me leter kuzhine për pjekje në mënyre të tillë që vaji të mos kete kontakt me embëlsirën. E hedhim në tavë masën e përgatitur dhe e pjekim për 5 min në furrë të paranxehur në 250 gradë dhe pasi të jetë pjekur sipër e ulim graden e furrës në 150 gradë dhe e lëmë të piqet edhe per 10 min të tjera. Ndërkohë pergatisim përzierjen me 3 llojet e qumështit: hedhim qumështin panda në një enë për përzierje dhe shtojmë qumështin e kutisë. I perziejmë derisa të tretët qumështi panda. Më pas shtojmë qumështin panna dhe masa është gati.
E heqim pandispanjën nga furra, e kthejmë në një tavë tjetër në mënyrë që ti heqim letren dhe e lemë të ftohet. Pasi ftohet e presim në sa copë të dëshirojmë dhe i hedhim përzierjen e qumshtit dersa ta absorboje të gjithën. E lyejme sipër me karamelin e parapërgatitur.
