Shpëtoi Ilirin dje/ Monika Lubonja në gjendje të rënduar psikologjike pas kritikave: Pse zgjodhe atë

Aktorja e njohur Monika Lubonja u shpreh shumë e revoltuar mbrëmjen e djeshme, pasi u gjykua për zgjedhjen e saj në zinxhirin e nominimeve dje gjatë prime në “Big Brother”.

Në zinxhirin e shpëtimeve, ajo zgjodhi balerinin Ilir Shaqiri, duke i habitur të gjithë, sidomos pas debateve që kanë pasur me njëri-tjetrin.

Megjithatë duket se Monika ka pasur një aryse për shpëtimin e saj, duke shprehur dhe gjendjen e rënduar psikologjike.

“Zgjodha Ilirin sepse ka shprehur dëshirën të jetë në nominim me mua. Dhe do jemi shumë shpejt. E di çfarë më ka lodhur më tepër?

Më kanë lodhur njerëzit që kuptojnë shumë mirë, por thonë që ‘jemi për lojë, kemi ardhur për lojë, lojë, lojë’. Realisht mezi pres të dal, të bëj një javë pushim, të shkoj tek psikiatri, për të kuptuar ç’është loja, se brenda kësaj loje dreqi e marrtë ka dhe një njeri brenda.

Më shumë se ç’shikojmë ne me njëri-tjetrin, mos pretendoni se sheh publiku. Jo 600 kamera të kemi, po 1 milion kamera, atë që sheh syri jonë harrojeni se e shohin të tjerët,”– u shpreh Monika.