Një recetë tradicionale e cila na shoqëron në disa variante gjatë muajve të nxehtë të verës. Kjo tavë me perime është shumë e mirë për vaktet e drekës, por mund t’a konsumoni dhe në darkë pasi tretet lehtësisht.
Përbërësit
1 kg spec jeshil (për skuqje)
1 kg patëllxhan
1 qepë
4 thelpinj hudhër
rigon
1 tufë majdanoz (i freskët)
borzilok
piper i zi
vaj ulliri
vaj vegjetal
500 ml salcë domatesh
500 ml qumësht
40 gr miell
40 gr gjalpë
1 vezë
Përgatitja
1
Presim në shirita specat dhe patëllxhanët. I vendosim në tavë, u hedhim kripë, rigon të thatë, pak vaj vegjetal dhe i pjekim në furrë për 10 minuta në 180 gradë.
2
Ndërsa piqen në furrë specat dhe patëllxhanët, në një tigan hedhim vajin e ullirit, qepën, hudhrat dhe i vëmë në flakë mesatare.
3
Pasi të kenë marrë ngjyrë të artë dhe të jenë zbutur shtojmë salcën e domateve, borzilokun, majdanozin dhe i lëmë të gatuhen për 20 minuta.
4
Pasi kemi hequr nga furra specat dhe patëllxhanët u hedhim sipër salcën që përgatitëm.
5
Përgatisim dhe salcën beshamel; në një tigan të thellë shkrijmë gjalpin, shtojmë miellin dhe e lëmë të skuqet duke e përzier derisa të marrë ngjyrë të artë. Shtojmë qumështin dhe vazhdojmë të përziejmë që të mos lëmë të formohen toptha brumi.
6
Sapo salca të jetë trashur, shtojmë vezën e rrahur. E lëmë vetëm për pak sekonda të përzihet me salcën dhe e heqim.
7
Salcën beshamel e hedhim sipër tavës me perime dhe e fusim në furrë për 20 minuta në 180 gradë celcius.
