Me çfarë ta marr nesër drekën në zyrë? Oriz me mollë

0
18

Me një shije delikate dhe perfekte për drekën në zyrë, rizotoja me mollë ka qenë dhe një prej pjatave të preferuara të piktorit Giorgio Morandi. Gjtihashtu është ideale pë të mos i çuar dëm mollët e pjekura.



Një pjatë e parë e thjeshtë dhe e shpejtë për t’u përgatitur, e plotësuar me shafran e verë të bardhë. Shohim së bashku si përgatitet:

Perberesit:

  • 320 gr oriz për rizoto
  • 2 mollë Renette ose Grannys Smith
  • 1 lugë çaji shafran Indie
  • 1 lugë çaji curry
  • 1 qepë e vogël
  • ½ litri lëng perimesh ( mund ta përgatisni me perimet e mbetura)
  • ½ gotë verë e bardhë e moskat
  • pak gjalpë

Përgatitja:

  • Përgatisni ose ngrohni në zjarr brodon e përgatitur dhe shkrini në të shafranin dhe curry-n. Grini imët qepën.
  • Shkrini gjalpin në një tigan dhe skuqni ngadalë qepën, në zjarr të ulët, duke shtuar pakëz ujë të mos digjet.
  • Shtoni orizin dhe kapardiseni për pak minuta, derisa kokrrat të bëhen të shndritshme. Shtoni verën dhe kur të ketë avulluar, shtoni brodo aq sa të mbulohet orizi.
  • Lëreni të ziejë duke e përzier herë pas here dhe duke shtuar brodo sipas nevojës. Ashtu si për gjithë rizotot e tjera, bëni kujdes të mos thahet shumë dhe të mos ngjisë.
  • Ndërkohë, qëroni një mollë e gjysmë dhe grijeni. Prisni në feta gjysmën tjetër të mollës dhe kalojeni në një tigan jongjitës, shpejt e shpejt, pa asnjë lloj yndyre.
  • Kur pothuajse rizotoja të jetë gati, shtoni copat e prera të mollës duke e përzier mirë.
  • Shtoni gjalpin e mbetur dhe përziejeni.
  • Përgatisni pjatat duke i servirur me feta molle.