Ëndrra e ‘Tarameles’, Xheison është bërë realitet. Ai është bërë me një shtëpi në kryeqytet, në zonën e Qytetit të Studentit. Kjo nismë u prezantua nga moderatoja Alketa Vejsiu, e ndërsa iu bashkua edhe kryetari i Bashkisë së Tiranës, Erion Veliaj.
Fjalët e zemrës dhe reagimi i tij, kur hapi dyert e shtëpisë, prej një fëmije të pafajshme na e bëri të pamundur që t’i mbajmë lotët.
“Shumë faleminderit ju kam shumë xhan, ju kam shumë zemër…” ishin fjalët e Xheison për të gjithë ata që i plotësuan ëndërr.
E pasi u fut në shtëpi, Xheison vuri në dyshim nëse ishte në ëndërr… “Ndoshta jam në ëndërr”, tha ai mes lotëve.
Edhe në skenën e madhe të “Piter Pan”, në Televizionin Klan, Xheison ishte i përlotur nga gëzimi.
( Kliko këtu ) për VIDEO
Xheison Bafti: Me lot gëzimi jam duke qarë, me lot emocionesh.
Alketa Vejsiu: Ky njeri ka një dritë speciale se nuk ka mundësi, po ku i gjen këto fjalë, o Zot i madh.
Xheison Bafti: Nuk e di, mi sjell Zoti me magji…
Xheison Bafti: Një minutë, pushoni pak publiku ju lutem. Përshëndës Lali Erin, të gjithë ata që na kanë ndihmuar për blerjen e shtëpisë, edhe mësuesen time, shkollën time dhe Myshqetanë.
