Turisti polak peson aksident ne Elbasan. E gjen balaja me pas me makinen

Para pak kohësh një turist polak pësoi aksident në fshatin Funar të Elbasanit. Ai shpëtoi për mrekulli, ndërsa mjeti ra në greminë.

Polaku e ka lënë makinën dhe është larguar për t’u kthyer sërish, por më vonë ka konstatuar se shumë pjesë të makinës së tij ishin vjedhur. Vjedhja është bërë nga banorët e zonës.

Polaku kërkon që ato të mos shiten, por të kthehen sërish tek ai pasi janë të veçanta, të prodhuara nga një kompani polake. Gjithashtu, kërkon që të bllokohet edhe shitja e tyre.

Polaku shkruan:

Përshendetje. Jam një turist nga Polonia dhe erdha në Shqipëri për një udhëtim malor. Makina ime u aksidentua dhe ramë në humnerë. Makina ka qëndruar në mal gjatë natës dhe i janë grabitur shumë pjesë nga motori, por jo vetëm. Për nxjerrjen e makinës më ka ndihmuar shumë grupi i fuoristradës nga Tirana dhe tani po ju lutem ta shpërndani këtë postim për të bllokuar shitjen e pjesëve të vjedhura sepse do të doja t’i merrja sërish. Pjesët në makinën time janë bërë nga një kompani polake dhe secila ka një logo. Më pëlqen shumë vendi juaj dhe do të doja të kthehesha këtu çdo vit.